و هونت عليكي                                                                  
ده أنا اللي عشت سنين ارضيك
و هونت عليكي
ياما شلْيت سلاحي عشان احميكي
و هونت عليكي

ده أنا مهما حصلي بدمي افديكي
و هونت عليكي
ده أنا غالي وسعر رخيص قوي فيكي
و هونت عليكي
ده أنا رغم طابور العيش راضي بيكي
وهونت عليكي
ده أنا مسروق عرقي ومنهوب فيكي
وهونت عليكي
ده أنا ببني بيوت ولا لاقي اوضة فيكي
و هونت عليكي
لا شهيد ولا ثورة نفعين فيكي
وهونت عليكي
ده أنا ناقص اشق هدومي عليكي
وهونت عليكي
ده أنا حالي يغم وضاع العمر وشفت الكل بيسرق فيك وأنا رغم الفقر حفظت عليكي وعملت الثوره عشان احميكي ورغم ده كله بهون عليكي